A FALA Febrero 22, 2008

 

Coñécese como a Fala unha variedade lingüística galego-portuguesa que se emprega no Val do Río Ellas, no noroeste de Cáceres (Estremadura) declarada Ben de Interese Cultural pola Junta de Extremadura o 20 de marzo de 2001. Outra denominación coa que se coñece é o de galego de Estremadura, a denominación valego proposta por Costas apenas se emprega fóra de ambientes académicos galegos. Tradicionalmente non hai un nome propio que abranga as tres modalidades que se falan en cada un dos tres concellos do val, o mañego en San Martín de Trebello, o valverdeiro en Valverde do Fresno e o lagarteiro nas Ellas 

 

 

 

 

Lexislación da Lingua Galega Febrero 22, 2008

CARTA EUROPEA DAS LINGUAS REXIONAIS OU MINORITARIAS 

 http://www.as-pg.com/resources/soclinresources/lin-10-carta_europea_das_linguasminoritarias.pdf

GALIZA:

- Lei de Normalización Lingüística:

http://www.as-pg.com/GetLegislationResourcesByCategory.do?legislationResourceCategoryId=7&name=LINGUA

 O BIERZO:

Ensino da Lingua Galega nos centros educativos:  

12982.pdf

20050721_castilla_y_leon_curriculo_de_lengua_y_cultura_gallega.pdf    

20070705_castilla_y_leon_optativa_de_gallego_en_bachillerato.pdf

certificados-de-galego.pdf

 convenio-sobre-o-galego.pdf

curriculum-de-la-optativa-de-gallego.pdf

instruccion-sobre-galego.pdf

o_070628_1190_lengua_cultura_gallega_bachillerato.pdf

Lecturas recomendadas Febrero 20, 2008

          

O achado do castro. Manuel Núnez Singala. Ed. Sotelo Blanco.

Contos de medo no museo. VV.AA. Ed. Deputación Provincial de Lugo

O pazo baleiro. Xavier P. Docampo. Ed. Xerais

O merlo Branco. Cándido Pazó. Ed. Bruño

Pel de lobo. Xosé Miranda. Ed. Xerais

Cando petan na porta pola noite. Xavier P. Docampo. Ed. Xerais

A fábrica de chocolate. Roalh Dalh. Ed. Xerais

O ascensor de cristal. Roalh Dalh. Ed. Xerais

Dani o campión do mundo. Roalh Dalh. Ed. Xerais

Tres pasos polo misterio. Agustín Fernández Paz. Ed. Xerais

Asústate, Merche. Fina Casalderrey. Ed. Xerais

Conos por palabras. Agustín Fernández Paz. Ed. Xerais

Cartas de inverno. Agustín Fernández Paz. Ed. Xerais
Aire Negro. Agustín Fernández Paz. Ed. Xerais

Corredores de sombra. Agustín Fernández Paz. Ed. Xerais

A banda sen futuro. Marilar Aleixandre. Ed. Xerais

Déixao medrar. Silvestre Gómez Zurzo. Ed. Xerais

A chamada da selva. Jack London. Ed. Xerais
Cartas de amor, Fran Alonso. Ed. Xerais

Longa lingua: os contos da mesa. VV.AA. Ed. Xerais

Cárcere de Ventas, Mercedes Nuñez, ANT 

GRAMÁTICA Febrero 20, 2008

Síntese da Gramática da Lingua Galega. Aquí tedes un resumo dos contidos teóricos gramaticas para preparar a materia de Lingua Galega.

CONCURSO LITERARIO “CARLOS CASARES” Febrero 17, 2008

   Co obxectivo de recuperar os premios literarios que desde os anos sesenta convocou O FACHO e nos que participaron ou gañaron moitos dos escritores e escritoras que hoxe fan posíbel coa súa obra unha literatura galega de calidade e de grande importancia nas letras universais, vense convocar este Concurso Literario baixo o nome de Carlos Casares e en homenaxe ao primeiro gañador do Certame de Literatura Infantil no ano 1968 coa súa obra “A galiña azul” que acadaría a honra de ter sido o fito fundacional da ben vizosa Literatura Infantil e Xuvenil GAlega contemporáea.

BASES DO CONCURSO:

1. Poderán participar todos os rapaces e rapazas en idade de escolaridade obrigatoria que presenten as súas obras en lingua galega. Os traballos presentados deberán seren orixinais e inéditos en toda a súa extensión.

2. O prazo de admisión de orixinais finaliza o día 31 de marzo de 2008 ás doce da noite.

3. A presentación de orixinais para o Concurso farase por correo postal dirixido a sé da Asociación Cultural O FACHO. R/ Federico Tapia, 12-1º 15005 A Coruña. Podendo facerse individualmente ou por medio do centro onde curse os seus estudos.

4. No caso en que sexan os centros escolares os que presenten os orixinais ao Concurso, deberán facer unha preselección dun máximo de dous traballos por categoría, calquera outro terá que ser presentado individualmente.

5. As obras haberán de seren relatos orixinais e non estaren editados por ningún procedemento impreso ou electrónico nin teren sido premiados en calquera outro concurso ou certame literario e en condicións para que os seus dereitos de publicación poidan seren cedidos a Asociación Cultural O FACHO por un período de tres anos contados a partir do día do fallo do xurado.

6. Estabelécense tres categorías:

CATEGORÍA A: Nenos e nenas de 6 a 8 anos.

CATEGORÍA B: Nenos e nenas de 9 a 12 anos.

CATEGORÍA C: Rapaces e rapazas de 13 a 16 anos.

7. As contías dos premios serán as que seguen:

CATEGORÍA A:

1º Un lote de libros por valor de 150 euros.

2º Un lote de libros por valor de 150 euros.

CATEGORÍA B:

1º 200 euros en efectivo

2º 200 euros en efectivo

CATEGORÍA C:

1º 300 euros en efectivo

2º 200 euros en efectivo

8. Cada autor só poderá presentar unha obra aténdose aos seguintes límites de extensión:

CATEGORÍA A: un máximo de 3 folios

CATEGORÍA B: un máxímo de 5 folios

CATEGORÍA C: un máximo de 10 folios

8. As obras haberán de se presentar manuscritas ou mecanografadas, encadernadas ou grampadas e levarán por detrás do último folio os seguintes datos:

Nome e apelidos do autor/a

Enderezo e teléfono

Correo electrónico

Centro onde cursa os seus estudos

Categoría en que participa

10. Os premios serán elixidos por un xurados nomeado pola Asociación Cultural O FACHO en fallo que se fará público no mes de maio.

11. O xurado poderá declarar deserto un ou varios dos premios do concurso e será o que deberá resolver aquelas situacións que se presenten e que non estean contempladas nestas bases, así como as dúbidas na súa interpretación.

12. A participación neste Concurso implica aceptación das presentes bases.

CARTAS PARA CORISTANCO Febrero 15, 2008

  Os nenos e nenas do IES Europa cartéanse en galego cos rapaces do CPI Alcalde Xosé Pichel de Coristanco (A Coruña). O obxectivo desta iniciativa é que o alumnado do instituto que está no Programa de Promoción do idioma galego no Bierzo poida practicar esta lingua a través das cartas que envían  a outros estudantes de Galiza. Ademais terán a oportunidade de coñecelos na excursión que faremos os días 5 e 6 de maio á Coruña.

CORRELINGUA 2008 (A CORUÑA) Febrero 15, 2008

 

   Os días 5 e 6 “os/as de galego” imos de excursión á Coruña. O primeiro día, visitaremos o centro Alcalde Xosé Pichel, de Coristanco e coñeceremos os alumnos/as cos que estades mantendo correspondencia epistolar. Con eles prepararemos o material que levaremos ao Correlingua. Xantaremos no comedor universitario da UDC (Náutica) e… comezaremos unha interesante visita polos lugares máis emblemáticos da cidade!.

Ás oito teremos que estar de volta no albergue de Gandarío para cear e descansar.

Ao día seguinte, MADRUGAREMOS para ir á Torre de Hércules e atoparnos alí cos demais estudantes que participan no Correlingua. Unha vez rematado o circuíto repoñeremos forzas no autoservizo do comedor para proseguir coa nosa andaina…

Para máis información do Correlingua entrade na seguinte páxina: www. correlingua.org

ESPERO QUE O PASEDES MOI BEN!!!

 Luns día 5: 

8:30: Saída do Centro educativo

Visita ao Centro Educativo Alcalde Xosé Pichel, de Coristanco e participación en diversas actividades.

 

14:30: Xantar no comedor da Universidade da Coruña.

        Visita ao monte San Pedro. 

        Ruta turística polos lugares máis significativos da Coruña.  

21:00: Cea e pernocta no albergue Gandarío.

 Martes día 6:

8:00 Almorzo no albergue Gandarío. 

        Visita á torre de Hércules.Participación con escolares de varios centros galegos no Correlingua (deportivo cultural) 

14:30: Xantar no comedor da Universidade da Coruña.

         Visita ao castelo de Santo Antón. 

        Visita ao acuario da Coruña 

19:30: Saída da Coruña 

22:00: Chegada ao Bierzo

 

 

 

 

 

 

 

 

Protegido: APUNTAMENTOS LINGUA E CULTURA GALEGA (4º) Febrero 15, 2008

Esta entrada está protegida. Para verla, escribe la contraseña:

Contraseña:

PROGRAMA (4º ESO) Enero 28, 2008

Índice galego 4º (1ª avaliación)

Habilidades comunicativas
1. Activación de coñecementos previos e uso de contexto para interpretar información global e específica nos textos orais e escritos.
2. Audición e lectura atenta de textos para captar informacións xerais ou avaliar datos requiridos.
3. Aceptación dos erros propios como algo natural con desexo de superalos e aplicando mecanismos de autocorrección.
Aspectos socioculturais
1. Identificación e interpretación de trazos socioculturais relacionados cos textos e situacións de comuni-cación que se traballen. Interese por coñecer informacións culturais diversas de tipo histórico, xeográfi-co, literario, etc.

Tema 1. –
1.1. O alfabeto galego. Nomes das letras.
1.2. Fonemas vocálicos e consonánticos e a súa representación gráfica.
1.3. Identificación persoal (I): O corpo humano.
1.4. Os pronomes persoais tónicos.
1.5. Presente de indicativo dos verbos regulares.
Tema 2. –2.1. Identificación persoal (II): O aspecto físico.
2.2. O artigo determinado e indeterminado: formas e contraccións.
2.3. Demostrativos: formas e contraccións.
2.4. Presente de indicativo dos verbos ser, estar, ir, vir e facer.
2.5. A formación do feminino.
Tema 3. –
3.1. Identificación persoal (III): O carácter.
3.2. Presente de indicativo dos verbos haber e ter.
3.3. Substantivos sen oposición de xénero.
3.4. Os adverbios de lugar e a expresión da situación.
3.5. Algúns adverbios de tempo.
Tema 4. –4.1. Identificación persoal (IV): O vestiario.
4.2. Pretérito dos verbos regulares.
4.3. Casos especiais del xénero.
4.4. Adverbios de afirmación e negación.
4.5. Fórmulas para expresar conformidade, afirmación e negación.
Tema 5. –5.1. A vivenda.
5.2. Os pretéritos dos verbos dicir, estar, facer, ir, poder e poñer.
5.3. Concordancia de xénero entre o substantivo adxectivo.
5.4. Fórmulas de saúdo.
5.5. O acento: Regras xerais.

Índice galego 4º (2ª avaliación)

Habilidades comunicativas
1. Identificación da información relevante para centrarse no contido que interese en función da tarefa.
2. Uso de modelos de textos tanto orais como escritos para producir textos personalizados.
Aspectos socioculturais
1. Comparación entre elementos sociais e culturais transmitidos pola lingua galega e a lingua castelá.
2. Respecto e valoración dos costumes e tradicións galegas.

Tema 6. –6.1. O contorno: A cidade.
6.2. O futuro dos verbos regulares.
6.3. O plural das palabras acabadas en vogal e en –n.
6.4. Fórmulas de despedida.
6.5. O acento: Casos especiais.
Tema 7. –7.1. O medio natural.
7.2. O futuro dos verbos irregulares.
7.3. O plural das palabras acabadas en –l.
7.4. O plural das palabras acabadas noutras consoantes.
7.5. Frases que indican procedencia.
7.6. Preposicións e conxuncións máis usuais.
Tema 8. –8.1. O clima.
8.2. O copretérito dos verbos regulares.
8.3. Os posesivos.
8.4. Fórmulas de cortesía e agradecemento para pedir ou preguntar.
8.5. Algunhas perífrases para indicar futuridade.
Tema 9. –
9.1. Os alimentos.
9.2. O antepretérito.
9.3. Os indefinidos.
9.4. Algunhas perífrases para indicar o comezo dunha acción.
9.5. Ortografía. Uso dos grafemas b/v.
Tema 10. –10.1. Actividades cotiás.
10.2. Os pospretéritos dos verbos regulares (condicionais).
10.3. Os numerais cardinais.
10.4. Algunhas perífrases para indicar accións en desenvolvemento.
10.5. Ortografía. Uso dos grafemas s/x.

Índice galego 4º (3ª evaluación)

Habilidades comunicativas
1. Identificación de distintos tipos de textos: descritivos, narrativos, conversacionais, etc.
2. Interacción con interlocutores de forma dirixida.
Aspectos socioculturais
1. Diferenciación de usos formais e informais da lingua galega.
2. Uso de fórmulas adecuadas nas relacións sociais: saúdos, cartas, etc.
3. Uso de convencións propias dea conversación natural en tarefas de simulación: turno de palabra, cam-bio de tema, etc.

Tema 11. –11.1. Relacións humanas e sociais.
11.2. Pospretéritos irregulares.
11.3. Os numerais ordinais.
11.4. Pronomes e adverbios interrogativos.
11.5. Ortografía. Uso do grafema h.
Tema 12. –12.1. Viaxes e ocio.
12.2. O presente de subxuntivo.
12.3. A gradación do adxectivo (I).
12.4. Algunhas perífrases para indicar accións acabadas.
12.5. Usos do punto e a coma.
Tema 13. –13.1. Educación e cultura.
13.2. Imperativo dos verbos.
13.3. A gradación do adxectivo (II).
13.4. Algunhas perífrases para indicar accións que se repiten.
13.5. Usos do punto e coma, dos puntos e puntos suspensivos.
Tema 14. –14.1. Ciencia e tecnoloxía.
14.2. As formas non persoais do verbo.
14.3. El pronome persoal átono.
14.4. Algunhas perífrases para indicar obriga.
14.5. Uso da diéreses e o guión.
Tema 15. –15.1. Outros verbos irregulares.
15.2. Confluencia de pronomes átonos.
15.3. Introducción á colocación do pronome átono.
15.4. Algunhas perífrases para indicar hipóteses.
15.5. Uso dos signos de interrogación e exclamación.

VI CERTAME ARTÍSTICO/LITERARIO VAGALUME Enero 26, 2008

Vagalume Valdeorras, coa colaboración da Asociación Galega de Pizarristas e Caja Madrid, invítanos a participar no VI Vagalume Literario. Poden participar todos/as aqueles que o desexen: pais, nais, alumnos/as, avos/as etc. sen límite de idade. Trátase dunha actividade de animación á lecto-escritura en que toda a comunidade atope un espazo para o relato da súa experiencia vital. O resultado desta iniciativa é escribirmos entre todos/as un libro.

Este ano a temática é libre, pódense presentar tanto traballos de poesía, como de prosa, e mesmo deseños. Estes deberán ser entregados en papel e cd en formato word, debidamente corrixidos e en lingua galega.

O prazo de entrega dos contos e debuxos será até o 20 de febreiro de 2008.

Para máis información pórse en contacto con Vanessa (Dpto. Xeografía e Historia)